مراتك بتشوفك ازاى ؟ .. " شوف نفسك فى المراية "

ساعات تسألك هو لون  مياه البحر الصبح بتبقي زرقاء و العصر بتبقي خضراء....... بتبقي شايفاك محرك جوجل للبحث.

ساعات تسألك هو احنا بنقصر الصلاة اول ثلاث ايام من السفر و لا طول الإجازة....ساعتها بتبقي شايفاك شيخ الأزهر
مَش لازم الظباط يكلبشواالعربيات قدام المستشفيات قول لهم حاجة!!!!...... بتبقي شايفاك وزير الداخلية.

غلط انهم يعلوا الفائدة في البنوك لأن ده برضه مَش حيخفض الدولار.... بتبقي شايفاك محافظ البنك المركزي
ليه لما بأعوم بأنهج جامد!!!..... بتبقي شايفاك دكتور
مَش لازم نترمي في حضن أمريكا حتي لو ترامب مدينا وش لأن أمريكا مالهاش أمان........ بتبقي شايفاك السيسي
لمابأسمع دخلة أغنية انت عمري و الفرقة بتعلي بأحس بطرب شديد اشمعني مَش بأحس بكده في الأغاني الجديدة..... بتبقي شايفاك عمار الشريعي
مَش قادرة اكمل عوم لحد البالونات حأمسك فيك شوية...... بتبقي شايفاك عوامة
البقال حسابه ٧٠٠ جنيه..... بتبقي شايفاك هوديني الساحر
كلمني شوية....... بتبقي شايفاك راديو
قول لي كلام حب...... بتبقي شايفاك امرؤ القيس
الولد ده بيبص لي بطريقة وحشة....... بتبقي شايفاك  بروس لي

ولما بتدخل الحمام و تبص في المرايا بتبقي شايف نفسك  اكبر حمار

التعليقات