10 أسباب عشان ترفض أي دعوة لحضور الأفراح فى مصر

رغم ما يقال على المصريين بأنهم "ولاد نكتة"، لكن الأمر الذى لا يقبل الجدل أيضا أن المصريين يمتلكون مهارة فريدة فى تحويل الأفراح والمناسبات السعيدة إلى تجريدة من العذاب للجيران وسكان الشارع وحتى المعازيم، خصوصا فى الأفراح، وتنشر "الحكاية" الأسباب العشرة التى حولت تلقى أى شخص لدعوة فرح مهمة ثقيلة يتمنى الهروب من تأديتها، ويمكنك عند  تلقى دعوة فرح أن ترد على العريس وعروسته بهذه الطريقة، لانقاذ ما يمكن انقاذه :" إلي أهلي و أصدقائي و قرايبي ....أعتذر لكم مقدما ، بس أنا قررت أقاطع كل الأفراح .....فليسعد أبنائكم و بناتكم بس بعيد عني .....لن يبنوا سعادتهم علي تعاستي و ضغط دمي و سكري

أفراح كلها واحدة ، كوبي و PASTE

أولا : لازم يقول لك الفرح 8:30 و لازم تيجوا في الميعاد و بنتنا أو إبننا حيلتزم  و عيب و إحنا غير الناس ، و تروح تتلطّع و تتمسمر و تتشل .... تقعد تهرش في وراكك ووراك الي جنبك لحد الزفة ما تبتدي 11 او 11:30 ....
ثانيا: لازم العروسة تبقي مكسوفة و أول ما أصحابها يشدوها تتقلب ل دينا الرقاصة و العجيب أن الراجل بينقلب ل سحر حمدي و هاتك يا هز و لز و أضرب لك ساعة في الزفة أو أكتر ....نقعد علي الكوشة و بعدين رقصة العروسة مع العريس و رقصة العروسة مع أبوها و العريس مع أمه و انا مع دين أمي ....
خلصانا روح للشربات ‘ إعمل إيدك كروس ....خش علي ال"دي جيه" ....عذاب القبر بسماعات تخرق الأذان و تحي الموتي و لا تبقي سامع حتي صوت شخرتّك و أنت في الفرح ......و يخش بقي علي المهرجانات و ينقلب ولاد الناس الي كانوا أوووه و ااااااه ل أوبا و أحا و رقص ضايع و ساقط و دوشة و زحمة و تنطيت ....خش لي علي الي داخلين يالسيوف أو الشعل ....فرقة إنقاذ العروسة و مشهد التورته و ده يأكلها و دي تأكله و لا ننسي كل هذا و في سلايد شو لهم شغال علي الشاشات و هم صغيرين ، من أيام حمادة ما كان بالكافولة و بيشُخ علي روحه لحد ما حمادة بقي جاموسة و ميمي كانت قطة و حلوة و صغننة و رفيعة لحد ما بقت ما شاء بقرة في الكوشة
طبعا حضرات المدعويين إتفضلوا علي البوفيه و حرب الفضاء و بعد معركة حطين و عين جالوت بتكون في مفاجأة لازم مطرب شعبي من الوراق أو إمبابة و معاه شوية عيال صيع و شكلهم مرعب و خش علي أغاني ساقطة و طبعا الدوشة قاتلة و المزيكا عالية و الصوت خره و تتمني ان تري ملك الموت يقبض روحك و لكن للأسف تلاقي أنك باقي لتعيش هذا العذاب

مبروك مقدما لكل عروسين .....بس انا .....خلاص جود باي

التعليقات