10 رسائل من السيسي في المؤتمر الخامس للشباب .. "أهلا وسهلًا بالمعارضة"

انطلقت فعاليات المؤتمر الوطنى الخامس للشباب بالقاهرة، اليوم،  بحضور الرئيس عبد الفتاح السيسي، ومشاركة المهندس شريف إسماعيل، رئيس مجلس الوزراء، والدكتور على عبد العال، رئيس مجلس النواب، وعدد من كبار رجال الدولة.

ووجه الرئيس عبدالفتاح السيسي، عدة رسائل، ضمن فعاليات المؤتمر الوطني الخامس للشباب، المنعقد الآن اليوم الأربعاء، نرصد  أهم 10 رسائل له:

1- "الحقوق والواجبات مصانة.. واوعوا تفتكروا إنى إذا كنت إنسان بحترم نفسى وأحترمكم إني أقبل يكون فيه إساءة لحد، أنا بخاف على مصر وكلنا بنخاف عليها"

2- "مفيش حد يرضى يتعامل مع أهله وناسه بإساءة، وإلا يبقى عنده مشكلة، شخصية صعبة اللي عاوز يإذي الناس، وأنا أتصور إنكم عارفينّى، الحمد لله بحب كل الناس حتى أعدائي".

3 - "وجود 9 أحزاب في البرلمان عمل إيجابي، حتى إذا لم نرض عنه، ما تستعجلوش وما يبقاش الطموح بتاعنا جامح، علشان نمشي على مهلنا وننجح"

4- "محدش هيخلد في الدنيا وكلنا موجودين لفترة وهنمشي منها، وإذا كنا بنحب بلدنا ونخاف عليها لازم نجهز كوادر".

5- "يجب ألا تنحازوا لأحد قبل فهم الواقع".

6- "قبل أن نتصدى للظرف والتحديات يجب أن تكون الصورة مكتملة، ويجب أن يكون السياسي على علم بالاقتصاد والأمن وكل شيء".

7- "هناك خيط رفيع بين الأهداف النبيلة والنوايا الحسنة، والنتائج الهدامة والخبيثة".

8- "إذا أردنا أن نحارب الفساد بشكل حقيقي، ونمكن الشباب.. "أوعوا تختاروا غير الأفضل ليكم ولبلدكم".

9- "على من تخلف عن النزول وترتب على تخلفه تقدم حزب لا يرضى عنه الناس لا يلوم الحزب أو الرئيس اللي كسب ولكن يلوم الناس اللي بخلت على نفسها وبلدها بيوم أو ساعتين تقف عشان تقول أنا هحط صوتي عشان ضميري يبقى مرتاح".

10- "أهلا وسهلا بالمعارضة.. إنتوا جزء مننا وإحنا محتاجينكم معانا، والمؤتمر معمول كمنصة لينا كلنا، نتكلم مع بعضنا ونسمع بعضنا ونعرف نتفاهم مع بعض".

التعليقات