رغم الانتقادات..ريهام سعيد تهاجم مرضى السمنة.."منظرهم وحش وبيدل على عدم التحضر"

استمراراً لحالة الجدل التى تسببت فيها الإعلامية ريهام سعيد ، نشرت الاعلامية عبر حسابها الشخصى بموقع الصور والفيديوهات "إنستجرام"، مقطع فيديو جديدا ترد على مهاجميها بسبب تصريحاتها ضد مرضى السمنة ووصفها لهم بشكل أثار غضب الكثيرين، وكان ذلك أول رد لـ ريهام سعيد عقب انتقادها بسبب تصريحاتها عن السمنة .
وقالت ريهام سعيد في الفيديو "إحنا غايظين ناس كتير عملنا جراحات كتير سمنة الأسبوع اللى فات والستات صحتهم زي الفل.. وعارفة ان فيه دكاترة اتضايقت وناس كتير اتضايقت".
وأضافت ريهام سعيد "للمرة الأخيرة لجمهورى وللناس اللى بتحبنى احنا مبنجرحش حد ولا اتكلمنا وحش على حد.. الناس اللى فوق الـ200 كيلو عبء على الدولة ومبيشتغلوش ولو معندكش مشاكل فى الغدد فأنت اخترت تبقى تخين وجبته لنفسك وممكن تغيره".
وأكدت ريهام سعيد "أنا بتكلم على الناس اللى بتلبس جلابية وعباية دول ناس بسيطة لازم اكلمهم بطريقة مختلفة، غير إنه هيجيلك ضغط وسكر لازم تعرف إن المنظر وحش وبيدل على عدم التحضر".
وتابعت ريهام سعيد قولها "واحدة كاتبالى فى الكومنتات انتى كنتى" عجلة" انتوا بتتريقوا على التخان أهو وبتجرحوهم سيبونا نساعدهم ونوعيهم بدل مـ أنت قاعد على الموبايل خليك فى حالك، كل ما نعمل حلقة قوية بنلاقى هجوم كبير واللى عايزنا نقع مش هنقع وللناس اللى مش فاهمة شوفوا الحلقة من أولها لآخرها وشوفوا عالجنا حالات اد ايه".
واختتمت ريهام سعيد قولها "مش هتكلم فى موضوع التخن تانى هنزلكم بس الرجيم اللى بيخسس 10 كيلو بس بعته للدكتور علشان مديكوش اى حاجة مش صحية لكن التخن سيئ جدا ولازم تتخلصى منه ، والناس اللى معانا منها اللى جوزها طلقها واللى مش عارفة تخلف بسبب التخن، التخن بيخلى الناس عايشة ميتة انت متعرفش انا عارفه لأنى كنت تخينة".

التعليقات