العسيلى يتبادل الهجوم مع جمهوره.."الصورة معايا بواسطة"

بعد  إحراج الفنان محمود العسيلي أحد جماهيره الذى طلب إلتقاط صورة معه فى إحدى الحفلات حيث قال له فى الميكرفون وأمام الجميع "حضرتك معاك واسطة أو جامد جداً مثلاً.. بتحبني وكل الناس دي بتكرهني، يعني لو اتصورت مع حضرتك مش لازم اتصور مع كل الناس دي.. صح ولا أنا غلطان".
شن رواد مواقع التواصل الاجتماعي هجوماً شرساً على المطرب
ولاقى الفيديو ردود أفعال واسعة وأثار جمهوره ومحبيه ومتابعيه الذين ردوا له الصفعة, وقالوا " هو ممعاهوش واسطة اه لكن أحسن منك", " عيب عليك تحرج واحد دفع فلوس عشان يشوفك وانت بتغني نشاز ع المسرح", "عيب تكسف جمهورك اللى عملك وصنعك", " والله يا ابنى الكبير كبير باخلاقه".. "بفلوسه يا عسيلي", "أكيد كان بيحبك دلوقتى كلنا بنكرهك", "ولا تعرف حاجة عن الدبلوماسية والذكاء الإجتماعى م تتصور هيحصل لك ايه يعنى", " والله انت اللى لك الشرف انه يتصور معاك أصلاً"....

وجاء رد العسيلي بقوة، قائلا: "حضرتك فاهم الموضوع غلط خالص.. دي كانت حفلة كبيرة جدا فيها مئات الطلبة وواحد منهم مصمم يتصور ولو اتصورت معاه مش هاغني لأني لازم أتصور مع كل الناس اللي في الحفلة.. باقوله اشمعنا هاتصور مع حضرتك انت بس.. من فضلكم متحكموش على حاجة انتم مش فيها.. وشكراً
 

التعليقات