رسالة قوية من بهاء الدين محمد لشرين

علق الشاعر بهاء الدين محمد على أزمة الفنانة شيرين على صفحته على فيس بوك معاتبا و موجهاً نصيحة لها قائلاً:

أنا عارف طريقة وتفكير شيرين وواثق إنها ماكانتش تقصد بالسجن "سياسة خالص".
وأكبر دليل على إنها لا تملك خبرة التوصيل أو التوضيح إنها مش عارفه لحد النهاردة تقول اللى باقوله ده !!! وأقسم بالله إننا لا إتكلمنا ولا شوفنا بعض من سنين . والمهم .
ياشيرين أسكتى وغنى بس . ده أنا اللى الحمدلله أملك أدوات الكلام بكل تمكن مانع نفسى بل رافض تماما أى حوار فى أى جهة إعلامية رفض تام لأن دورى أكتب فقط وكلامى هو أنا وغلط الفنان يتكلم أصلا غير بحساب .
معلش بنت بلدنا وصوت من الأصوات الحلوة اللى بتملكها مصر وماعندناش كتير بلاش نهدها . وكلنا لينا ناس قريبين مننا لما بييجوا يتكلموا بيبوظوا الدنيا وإحنا قلوب طيبة وجوانا رحمة .
ملحوظة هامة : كلامى مش دفاع ولكن توضيح وماليش أى مصلحة معاها كمطربة لأنى خدت مصلحتى ونجحت مع الكل الحمدلله ومعروف عنى لا بأتقرب لحد ولا باجامل حد ولكن العكس هو الصحيح . وشكرا

التعليقات