بوست يشعل السوشيال ميديا .. "سخرية من محمد رمضان وحمو بيكا ومجدي شطة"

- انت مين ؟
= أنا محمد رمضان
- إيه قيمتك ف الحياة ؟
= أنا أخر حفلة ليا فيه ناس دفعت تذكرة ب ١٠٠٠ جنيه علشان تسمعني
- ايه ده انت مطرب ؟
= لأ ..ولا مطرب ولا نيلة ... أنا أصلا صوتي وحش جدا ونشاذ بس هي جت معايا كده ... أنا بطلع ع المسرح وأقلع ملط وأقعد أتنطط وأهبد وأنا اصلا ممثل ... بعمل أدوار شمامين وبلطجية
- عليه العوض ومنه العوض
- وانت مين ؟
= أنا حمو بيكا
= ايه قيمتك ف الحياة
= أنا كنت شغال صبي جزار وبعدين اشتغلت تباع عربية نقل
وهوب عملت كام مهرجان فالناس التافهة خليتني مشهور
-- ده فن يعني ؟ وعبارة عن ايه
= يا عمهم انا عامل مهرجانات كتير .. زي مثلا ( شقلطوني ف بحر بيرة + عفاريت دماغي + شرياني مقطوع + فوق يا هرتلة + سكران مش شايف + ما تتقل يا خرونج + خد القميص واجري + دماغي لعنة..
-- فعلا لعنة
- وانت ؟
= أنا مجدي شطة
- بتبيع شطة ؟
= لأ أنا أشهر من عمر دياب في البحث ع جوجل
- انت عارف جوجل ؟
= ها ؟
- وانت مين
= أنا فيجو الدخلاوي
- ايه لازمتك ف الحياة ؟
- ما هو أنا بقي اللي بعمل المهرجانات دي ليهم وبوزعها
أنا اللي ساعدتهم في نشر الجهل والانحطاط بين الناس
- اه .. هو انت اللي كل بتوع التكاتك بيشغلوا القرف اللي انت بتعمله... ده احنا بنسمع اسمك قبل المهرجان ونقعد ندعي عليك أدعية
ربنا يريحنا منك
-- انتوا مين بقي
= أنا احمد حسن ودي زينب مراتي
- لازمتكم ؟
= لا حضرتك احنا ملناش أي لازمة... احنا بنقعد نصور أي حاجة تافهة بتحصل بيننا وبننشرها علي الملأ للناس كلها ولمينا فلوس ومتابعين كتير
وانت عارف بقي التفاهة ليه ناسها
- مين سيادتك ؟
= أنا واحد بيطلع ع التلفزيون .. يفضل يرغي بأي كلام وأي هري غير مفيد
- ها وبعدين .. بتشتغل ايه ؟
= بأشتغل ايه ؟ .. ما هو دي شغلتي .. إعلامي
= اه مطبلاتي يعني
مين انتوا ....
انا سما المصري
وأنا مرتضي منصور
وانا ريهام سعيد
وأنا
بااااااااس كفاية مش عايز اعرف انتوا مين
أنا بقي اعرفكم بنفسي
مواطن مصري
بصحي الصبح أروح الشغل ... أشتغل عشر ساعات وممكن أكتر
وأرجع جسمي مهدود بالليل
بس مهدود بالحلال ...

بحاول علي قد ما أقدر أعلم عيالي وأربيهم كويس علشان يطلعوا ينفعوا المجتمع

 

انا بقي رافضكم
ورافض انحطاطكم وبحاربكم
وبحارب القاذورات اللي عمالين ترموها علينا كل يوم

بحارب علشان اعيش في مجتمع سليم نفسيا وراقي

بحارب علي قد ما اقدر وعلي قدر المستطاع

 

* لما بدخل البيت بنسي ان فيه حاجة اسمها تلفزيون اصلا
علشان ما ازودش الاشارة والمشاهدة علي قنواتكم

* بشتغل كتير علشان أثبت للمجتمع ان النجاح مش بالتفاهة اللي بتنتشر

النجاح قيمة بتقدمها لنفسك وللمجتمع

 

كون انك تنجح في تربية ابنك او بنتك صح
دي افضل قيمة تقدمها للمجتمع

 

حاربوا يا جماعة علي قد ما تقدروا
حاربوا الجهل
حاربوا الغني الفاحش اللي بيجي من التفاهة
مش هو ده الصح
مش هو ده الطريق اللي تندم انك مش ماشي عليه
تندم بس لو شجعت التفاهات دي
تندم ... لو ما عملتش لحياتك قيمة وأثر طيب ف الناس

 

احنا انضف من كده  والله لكى الله يامصر الحضاره
( بوست منتشر على السوشيال ميديا )
التعليقات