الفيديو كاملا .. اللي فجر خناقة المايوه الشرعي في الساحل الشمالي !!

تداول عدد من رواد مواقع التواصل الاجتماعى فيس بوك مقطع فيديو لأزمة شهدها حمام سباحة بإحدى القرى السياحية بالساحل الشمالي بسبب نزول عدد من السيدات لحمام السباحة بالمايوه الشرعي.

وظهر في الفيديو خناقة بين السيدات بسبب رغبة عدد من السيدات في عدم تواجد أخريات ترتدي المايوه الشرعي في حمام السباحة.

وعلق صاحب الفيديو، قائلا: "طبعا كل الناس اللي عرفانى عارفة انى مش بتكلم او بعلق كتير على حاجة بس حصلت معايا النهارد ه.. مشكلة انا شايف انها مينفعش نسكت عليها عشان دى هتكون مثال لنا ولأخواتنا وزوجاتنا ولأجيال ورانا كتير ولازم الناس دى تتغير ويكون لها عقاب زي ما ابتدينا نتغير ونغير عقول ناس كتير ومرضى كتير فى مجتمعنا.. ده مثال واقعى حصل لمراتى النهارده وانا معاها فى pool فى الساحل لقيت سكان جايين يقولولها واحنا فى الميه مينفعش تنزلى باللبس ده او بالمايوه ده اللي هو المايوه الشرعي !!".

وأضاف: "قالت ليه بكل استغراب وخوف كما لو كانت عملت حاجة غلط، واحدة عندها شاليه زيها زي اى حد وييجى ناس يقولوا لها اخرجى عشان انتى لابسة مايوه شرعى ومضايقة عيوننا بيه!! هنا كله لابس بيكينى او one piece وأحب اقول ان فيه بنات وشباب زي الورد مسيحيين أكتر من مسلمين وكلهم واحد كانوا بيدافعوا عن مراتى وبيقولوا للناس دي انتو مرضى".

وتابع: "أنا شايف اللي حصل ده عنصرية زيهم زى اللي بيقولوا للي لابسة لبس قصير ماتلبسيش وأكيد دول اللي برده عندهم عنصرية اللون والدين!! ياريت كل واحد يبقى فى حاله احنا فى #٢٠٢٠ يا ناس كفاية جهل".

شاهد الفيديو من هنا

التعليقات