2020.. عامله ايه معاك؟!

والسنة الجديدة عاملة معاكوا ايه طمنونى؟
أول ١٠ ايام فى ٢٠٢٠ أصاله اتطلقت من طارق العريان !
_ إمتى ده حصل ؟!
بعد ماجوز نانسى عجرم قتل واحد فى الڤيلا بتاعتهم بيومين
_معقولة وقتله ليه؟!
بيقولو إتهجم عليه وهو قاعد يتفرج على خبر مقتل قاسم سليماني

_ هو قاسم سليماني اتقتل ؟!
اه أمريكا ضربته في غارة وإيران ردت بصواريخ ووقعت طيارة مات فيها ١٨٠ بنى آدم
_ وده حصل امتي ؟!!!
بعد ماتركيا أعلنت انها هتبعت قوات تحارب في ليبيا هي كمان ليبيا فيها حرب
_ده إزاى وامتي؟!
بعد حريق ڤيلا إيهاب توفيق وتفحيم أبوه جوا الڤيلا والحريق
_ده حصل امتي ؟!
ماهو كان اسبوع اسود بعد ما إتوفت مذيعة قناة العربيه نجوي قاسم ،،
_هي كمان المذيعه ماتت؟!
بعد ما قالت خبر الطيار اللى إتوقف وإتفصل بسبب محمد رمضان محمد رمضان الممثل
_وده ماله ومال الطيار ؟؟!!
أقولك الموضوع ده كان قبل وفاة مبارك بحوالى شهر
_مبارك إتوفى ؟؟
آه أيام أحداث فيروس كورونا فى الصين إللى إتنشر فى العالم كله وبيموت الناس
_وفيروس كورونا دخل مصر إمتى ؟؟؟!!!!
قبل العاصفة والسيول إللى غرقت مصر بأسبوعين

بس خلاص إسكت ياريتنى ما سألتك كفااايه

"متداول عبر السوشال ميديا"

التعليقات