حكايات أول تحرُّش.. "السُلطة.. التكاتك.. الجنيه.. السجاير.. الأهلي والزمالك"!

 

بقلم: أنور الوراقي

بمُناسبة فتح السيرة على البحرى، ومع الاحترام للشجن الذى أثاره الهاشتاج الشهير الخاص بحكايات أول تحرُّش، لكن الأمر فعلاً مُلهم..

§     أول تحرُّش بالسُلطة فى مصر كان من الإخوان!

§     أول تحرُّش بالتاكسيات كان من التكاتك!

§     أرجوك متحاولش تعِد عدد مرَّات تحرُّش الأهلى بالزمالك!

§     أول تحرُّش بالتليفزيون كان من اليوتيوب!

§     أول تحرُّش بالصحافة الورقية كان من مواقع الإنترنت!

§     أرجوك متحاولش تعد عدد مرَّات تحرُّش الدولار بالجنيه!

§     أول تحرُّش بمكانة الهضبة (عمرو دياب) كانت من (تامر حسنى)!

§     أول تحرُّش بالفيس بوك وتويتر كان من إنستجرام!

§     أول تحرُّش بالتليفون الأرضى كان من اللاسلكى، وبعد كدة الموبايل اتحرَّش بيهم الاتنين!

§     أرجوك متحاولش تعِد عدد مرَّات تحرُّش البقال والجزار والخُضرى بالمواطن الغلبان!

§     أول تحرُّش بالرُبع جنيه الورق المُحترم كان للأسف من ربع جنيه مخروم!

§     أول تحرُّش بالكبريت كان من الولاَّعة!

§     أول تحرُّش بالصيف كان من تكييف كارير!

§     أول تحرُّش بالسيجارة الملفوفة كان من السيجارة المكنة، وأول تحرُّش بمعسل قَص كان من معسل زغلول!

§     أول تحرُّش بالصُداع كان من أسبرين ريفو!

§     أول تحرُّش بعُسر الهضم كان من بيبسى وكوكاكولا!

§     أول تحرُّش بالحُب كان من الجواز!

التعليقات