في يوم الضحك العالمي: 10 حاجات تموِّتَك من الضحك في مصر!

 

بقلم: أنور الوراقي

1-      مستوى خدمة العُملاء فى أى مكان، خصوصاً الجماعة بتوع اقفل الراوتر وافتحه تانى!

2-      شعار "سنظل أوفياء"!

3-      منظر الآلاف من عواميد النور اللى بتنوَّر بالنهار فى الشوارع، وتنطفى بالليل!

4-   تصريحات بعض المسئولين والإعلاميين "حُكام الكورة عندنا هُما أنزه حُكام على مستوى العالم، وإنهم مستحيل يتعمَّدوا الغلط"!

5-      (مُرسى) راجع!

6-      صاحبك اللى هيتجوِّز بعدَك، وهو بيؤكد ليك إنه هيعيش سعيد بعد الجواز!

7-      لما تقرأ فى الجرائد خبر "الدولة جادة فى مُحاربة الدروس الخصوصية"!

8-      فتاوى (ياسر برهامى)!

9-      لو واحد صاحبك قال لَك إنه راح يخلص ورقة فى مصلحة حكومية، ونجح فعلاً فى نفس اليوم ومن غير ما يدفع رشوة!

10- (أحمد شوبير) لما يستضيف (مرتضى منصور) ويؤكد إنهم أصدقاء!

التعليقات