ماذا تعرف عن طرق وكباري وأنفاق مصر؟ "استخداماتها الحقيقية مش الأي كلام"!
Sunday, May 7, 2017 - 17:04
بقلم: أنور الوراقي
1- طريق (صلاح سالم).. عملناه علشان يُقف طول الوقت!
2- الكبارى.. عملناها علشان مطالعها ومنازلها تبقى مواقف ميكروباصات عشوائية بانتظام!
3- الرصيف.. عملناه علشان المحلات تفرش بضايعها عليه.. والناس تمشى على الأسفلت!
4- الشوارع.. عملناها علشان العربيات تركن فيها صف تانى وتالت ورابع، ومحدش يعدى منها!
5- الأنفاق.. عملناها علشان الشحاتين يعيشوا فيها!
6- طريق المحور.. عملناه علشان يُقف طول الوقت، وينافس طريق (صلاح سالم)!
7- كبارى المُشاة.. عملناها علشان الباعة الجائلين يعملوها أسواق!
8- الميادين.. عملناها علشان نتظاهر فيها!
9- مواقف الميكروباصات.. عملناها علشان السواقين يتخانقوا فيها!
10- كوبرى أكتوبر.. عملناه علشان (صلاح سالم) والمحور ميفكروش إن هُما بس اللى بيعرفوا يقفوا!
التعليقات