القسيس عبد الجليل يكفر المسلمين "أتباع محمد في النار"!

علمت الحكاية من مصادر مقربة من وزارة الاوقاف ان الشيخ سالم عبد الجليل بعد ان تراجع عن تصريحاته بتكفير المسيحيين وبعد اعتذاره الشديد بأنه اخطأ وارتكب فاحشة دينية ووطنية ، قرر الاعتكاف واعتزال الناس خاصة بعد غضب الحكومة والازهر والامن عليه بسبب الفتنة التي اشعلها بحق المواطنين المسيحيين الذين يستهدفهم  ارهاب داعش ويحرق كنائسهم . وقالت المصادر ان الشيخ بعد ان بلغه ان مافعله لايختلف عن داعش وانه ارهابي مثلهم وربما يتعرض للملاحقة والمطاردة وقطع أموال الفضائيات والبرامج واغلاق دكاكين الفتاوى امامه ، قد قرر الخروج من الملة واشهار مسيحيته تأكيدا لندمه واعتذاره  ، وانه الان اصبح القس سالم عبد الجليل ويستعد لترسيمه راعيا للكنيسة الوهابية بالعباسية .

وقد أصدر القس عبد الجليل في اول فتاواه كمسيحي تائب هذا البيان التكفيري الضلالي المتين الذي تخيله الكاتب والاعلامي الساخر حسام السكري ونشره على صفحته بموقع التواصل الاجتماعي " فيس بوك" :

كفروا. أيوه.. المسلمين دول كفروا..

آمنوا بمحمد وصدقوه..

تيجي تذكرهم بالرب المخلص.. يقولك إحنا كده كويسين..

وييجي بعض القسس للأسف يضللوهم ويقولوا محبة الرب يسوع تسع الجميع.. ضللولهم.  علشان يتقال دول قسس ما حصلوش وبيفهموا في التسامح..

طيب.. يوم القيامة سيقف هؤلاء المسلمين على باب الملكوت ويقولون يا يسوع لقد قال لنا القسس إن الملكوت يسع الجميع فصدقناهم..

ضللونا.. ربما لو أفهمونا خطأنا كنا آمنا بك يا يسوع..

أنا باقول الكلام ده عشان يسوع يشهد علي..

لكن لأ.. يا مسلمين.. انتو طيبين وهنعاملكم كويس وزي الفل..

لكن الفكر اللي انتو عليه والعقيدة الإسلامية بتاعتكم عقيدة فاسدة..

إرجعوا إلى الرب يسوع لتدخلوا في الملكوت..

انتو احرار طبعا.. نعيش مع بعض في سلام..

لكن من حيث العقيدة لازم تعرفوا ان الإسلام عقيدة فاسدة.. عشان ما تجيش تقول محدش قال لي.. لن يقبلكم الرب في ملكوته

لما تكون مسلم وترجع في كلامك ساعة الموت برضه الرب مش هيقبلك في ملكوته..

مش كنت ماشي ورا محمد؟

انتظر محمد يخلصك...

هيلاقوا العذاب وملك الموت فييجروا يدوروا على يسوع..

هيقولك خلاص

معادش ينفع..

هو انتي مستني لحد الموت ما ييجيلك علشان تدور على يسوع؟!

لا يا حبيبي.. خللي محمد بتاعك ينفعك..

(ده نص كلام القس سالم عبد الجليل وهو يتحدث للمسلمين)- مقال تخيلي ساخر 

الشيخ سالم عبد الجليل يكفر المسحيين على الهواء مما اثار ضجة اعلامية وازهرية

التعليقات