بلبل الحاجة محاسن

 

وصل وفد دول السوق الأوروبية لإفتتاح أول مركز للتدريب الفني بتمويل أوروبي لمشروع تطوير العمالة الفنية في مصر
و كان في إنتظارهم المحافظ ، السيد اللواء عبد السلام البيشبيشي و الأستاذ خضر الأشموني مندوب وزير التعليم العالي.....و فجأة جائت سيدة ترتدي النقاب الأسود و لا يظهر شئ من وجهها ، تمشي بخطوات بطيئة تثير الشكوك و ما أن أقتربت من الحضور حتي إنتاب الأجانب الخوف ، بل وصل ذروته حتي إنهم  قد هموا بالهروب ، حين رأوا علامات الفزع علي وجه المحافظ ..... فقد كانت تمسك بيدها مقص
خضر موجها كلامه للوفد: دونت أفريد دونت زيس إيز حاجة محاسن العبد ديين أوف سكوول
و بعد أن تقدمت الحاجة محاسن الي الوفد، أعطت السيد سميث المقص ليقص الشريط و بعد أن قص الشريط   قدم السيد سميث كالينجتون يده للحاجة محاسن مهنئاً و قال :
you know when I saw the scissors in your hand, I thought you are from Isis,  I nearly pee in my pans
محاسن: نوت إيزيس أي اّم محاسن .....سوري هاندز نو موسليم هاندز نو، نو شييك هاندز مويسلم
سحب السيد سميث يده محرجا، .....I am very sorry
المحافظ بعد أن التقط أنفاسه موجها كلامه لخضر : مين دي؟؟
خضر هامساً: الحاجة محاسن دي حتبقي مديرة المعهد ، دي مرشحة من وزارة البحث العلمي و معاها دكتوراه و إنجليزي بقي إيه ،مكانة يافندم مكانة و تمكين
المحافظ: أمال أنت كنت بتقول دين مين
خضر: دين يعني عميد أو رئيس...كنت بأقول أنها رئيسة المعهد
المحافظ: أااااه أنا قلت إحنا إبتدينا سب الدين بدري....و هم مالقوش غير واحدة ست تمسك المعهد
خضر: يا فندم دي كادر عظيم في الوزارة و لغات كلها حية

 

و أثناء تفقد أروقة المعهد كان هناك شباك و قد ظهر فيه عش طائر ما
المحافظ هامسا: إيه ده؟؟
محاسن بعد أن إسترقت السمع و بصوت عالي موضحة للأجانب: إيش البلبل
و نظر لها سميث بإستغراب:  what !!!!!
محاسن: بلبل
سميث: People

 

محاسن: ييس بلبل هيير
سميث: People here !!!! what about them ?
خضر قلقا: يا حاجة محاسن فهميه أن ده عش واحد لحسن يفتكر أن المعهد مدروز
محاسن : وان بلبل هيير
سميث:
you have one people here all this , all this just for one of the  people  !!!!!!
محاسن: ييس وان بلبل.......بلبل حيران
سميث: one people and he is from Iran !!!!!!!
محاسن: ييس
نظر سميث لمرافقيه من الوفد : guys I don’t think our management will be happy to invest all this for one person and he is from Iran !!!!
المحافظ: هو مال وشه إتغير كده
خضر: مش عارف يمكن ما بيحبش الطيور
المحافظ : أحييه ده إحنا حنغديهم حمام بالفريك
سميث: And what do you teach him this Iranian guy??
خضر: لا لا لا نوو تاتش هيير وي  موسليم وي نو تاتش ، عيب 
المحافظ: بيقول إيه
خضر: بيسأل يعني أخبار اللمس إيه في مصر في الجامعات علشان هما عندهم اللمس و التأفيش عادي في أوروبا فهو فاكر أن عندنا سداح مداح بس أنا قلت له أن إحنا مسلمين
المحافظ: لا لا أنا فهمت دي هو بيقول حد جاي شوف مين الي جاي لحسن يكون السفير و لا كده علشان أنا يدوبك جايب حمام علي قدنا
خضر: مستر سميث هو جاي
سميث: who is gay !!!!
خضر: ييس هو أولسو جاي
سميث:
also !!!! you mean I am gay and who also is gay , I think you don’t know what the fuck you are saying !!!!!
المحافظ: بيقول ايه ؟؟؟؟ وشه متعصب ليه !!!!! هو مش عايز حمام!!!!!
خضر: لا لا ما تقلقش ده عادي .....مستر سميث ييس ييس أي نو فاك ......الي هي منفك ، من أخوات كان ....منفك زي بتاعت الريحاني ، يو نو أستاذ حمام هيي ساي منفك
سميث : Man Fuck !!!!!!!
خضر: أيوه أيوه منفك

و سافر الوفد دون رجعة و تم شطب معونة تمويل التعليم الفني بمصر مع السوق الأوروبية 

**نقلا عن صفحته على فيسبوك

التعليقات