علشان خاطر مصر ومحمد فضل

لازم البطولة دي تنجح لحد الآخر... دي سمعتنا قدام العالم... ولازم المدرجات تبقى مليانة... ولو تطبيق تذكرتي حايفضل يستعبط علي البلد كلها...ياريت الدولة تفتح المدرجات للجمهور يروح يحضر المباريات ويملا المدرجات في المباريات الباقية (و هم ١٢ مباراة كلهم على بعض) ...  لأن في النهاية دي سمعتنا ...اللي إتحاد الغبرة والإعلام التابع لهم اللي كان بيطبل لهم ٢٤ ساعة... مرمغوا بيها الأرض

إنسوا المنتخب والفساد والعبث اللي عملناه في الكرة وساندوا مصر تطلع بأبهى صورة حتى النهاية... على الأقل مانضيعش مجهود الراجل محمد فضل اللي عمل اللي عليه وزيادة... وكل الناس اللي اشتغلت بجد و ماناموش لشهور...لكن شلة المنتفعين والنصابين اللي في الوسط سببوا له إحباط لأنهم بوظولهم البطولة اللي نجحوا في تنظيمها في وقت قياسي

بلاش نضيع الأهم مقابل الشيء الأقل أهمية منه #شجع_مصر

التعليقات