١- الواطى هيفضل طول عمره واطى والجدع جدع.. مهما عملت
٢- الدنيا مابتقفش على حد وبالتالى مش هتقف عليك.. فبلاش الثقة الزايدة
٣- ماحدش فاضى لحد.. شوف حالك
٤- اليوم اللى بيروح مش بيرجع تانى والحياه بنعيشها مرة واحدة.. انبسط
٥- اللى اتكسر عمره مابيتصلح ولو صلحته هيبقى مليان شروخ.. ماتضيعش وقتك واشترى غيره
٦- مش معنى انى بضحك انى مبسوطة ومش معنى انى بتكلم عادى ان ماعنديش مشاكل من العيار التقيل.. ماتدخدعش بالمظاهر
٧- الست اللى بتربى عيالها لوحدها مابتهزرش.. ماتضيعش وقتك معاها
٨- ماتشغلش بالك باللى الناس بيقولوه عليك.. ف الاخر كلهم هايموتوا
٩- انت اللى بتصنع السعادة لنفسك.. لو استنتها من غيرك غالبا مش هتشوفها
١٠- الناس هتشوفك زى مانت شايف نفسك.. قرر بقى عايزهم يشوفوك ازاى
١١- الدنيا مفيهاش مكان للضعفاء.. هتضعف هتتاكل
١٢- البكاء على اللبن المسكوب مش هيرجعه للكوباية.. ركز ازاى تملاها تانى
١٣- معادلة بسيطة.. الناس هتحترمك لو انت احترمت نفسك
١٤- اعظم انواع الحب حب الام لولادها مافيهاش فصال.. الأم
١٥- مش كل الرزق فلوس.. الصحة وحب الناس اقيم انواع الرزق
١٦- الواحد مابيتعلمش ببلاش.. المهم يتعلم
١٧- عادى جدا انك تغلط.. اللى مش عادى انك تكرر نفس الغلط مرتين
١٨- ماحدش بيتغير.. ماتحاولش تغير حد ياتتقبله زى ماهو ياتخلع
١٩- كلمة واحدة تحيى وكلمة تموت.. اختار الفاظك
٢٠- ربنا خلقلنا ودنين عشان نسمع بواحدة ونخرج من التانية.. كبر دماغك
٢١- الاختلاف فن وثقافة.. لو الاتنين مش عندك خلى رأيك لنفسك
٢٢- فيه ناس مجرد وجودهم مصدر سعادة.. لو موجودين ف حياتك امسك فيهم
٢٣- مش عيب يكون عندك مشاعر.. العيب انك تخلى مشاعرك تتحكم فيك
٢٤- اتصالح مع نفسك هتلاقى كل حياتك اتصالحت معاك
٢٥- الحياه زى مانت شايفها هتشوفها حلوة هتبقى حلوة هتشوفها طين هتبقى طين
٢٦- الضحكة مش بفلوس وكمان هتاخد عليها صدقة
٢٧- الناس اللى مضايقينك اعملهم بلوك واللى مش فارقين معاك تجاهلهم تماما
٢٨- كل واشرب والبس واعمل الحاجة اللى تعجبك مش اللى تعجب الناس
٢٩- الحاجات بتنتهى عشان حاجات تانية احلى منها تبتدى
٣٠- الفشل مش نهاية الدنيا.. النجاح عادة مابيجيش غير بعد فشل
٣١- سر من اسرار النجاح انك ماتشوفش اى حاجة غير هدفك
٣٢- الحياة مش راجل وبرضو مش ست.. الحياه ناس وحاجات كتير اوى
٣٣- مش كل الناس هيحبوك.. مش مهم.. المهم انت بتحب مين
** هى دى تجربتى وتلك هى قناعاتى اتفقت معى ام اختلفت فهى انا وانا هى واختلاف الرأى لايفسد للود قضيه.