بلية التي غنا لها عمرو دياب "عودي يا بلية" في فيلم العفاريت، أو "منة يامنة" التي غنتها لها الراحلة وردة الجزائرية في فيلم "ليه يا دنيا"، أو هديل خير الله وهو اسمها الحقيقي التي ابتعدت عن التمثيل وتعيش حاليا في استراليا لتكمل دراستها.

دائما ما تستعيد ذكرياتها بنشر صور لها من الأفلام التي شاركت بها مثل "العفاريت" الذي يعتبر الأشهر لها والذي ظهرت فيه بدور "بلية"، أو صورها في "مسجل خطر" مع الزعيم عادل إمام، أو فيلم "ليه يا دنيا" مع وردة الجزائرية والفنان القدير محمود ياسين والفنان الكبير صلاح السعدني.

هديل خير الله أو "بلية" كما يناديها أصدقاؤها على الفيس بوك نشرت 9 حقائق وعلقت عليها "للناس الي لسة مهتمة وبتسالني دايما, دول 9 معلومات عن فيلم العفاريت مش هاتعرفهم غير من بلية".

وجاءت ال9 نقاط كالآتي:

1- بيت عمرو دياب الي في الفيلم دا مش بيته ولا حاجة دا سويت في شيراتون الجزيرة

2- الفيلم اتصور في حوالي 6 شهور ما عدا مشهد واحد و توقف التصوير تماما لمدة 7 شهور و بعدين اتصور المشهد، و دا كان مشهد ميال ميال في الاستاد

3- اول مشهد اتصور في الفيلم لبلية كان اول مشهد لبلية مع الكتعة الي كان اوله قلم علي وشيي

4- حفلة عمرو دياب في الفيلم كانت حفلة ليه بجد

5- مشهد الشحاتة (الي بدون حوار) كانت الكاميرا مستخبية في عمارة و كنت بشحت بجد و لميت فلوس!!

6- المشهد بتاع "سرقت الخواجة كنتاكي" اتصور الساعة 3 صباحا و لوزة نامت في التصوير و اضطريت احفظ كلامها في ساعتها و الحوار تم كلة بيني و بين سقراط (لاحظ نومها في المشهد)

7- انا ما كنتش في الشوال لما سقراط شاله

8- دور بلية كان لبنت عمرها 8 سنوات و كان علي وشك اختيارها بالفعل و المخرج حسام الدين مصطفي لما شافني كنت اقل من 6 سنوات و اخترني

9- بمناسبة اني كنت 6 سنوات كنا بناكل في الاستراحة بين المشاهد و عمرو دياب قعد في الكرسي الي جمبي فا قلتلة "ماما لازم تقعد جنبي علشان تأكلني "

وتضيف "الحكاية" لقرائها النقطة العاشرة وهو شكلها بعد مرور 25 سنة على ظهورها في فيلم "العفاريت".

وفيلم العفاريت من إنتاج عام 1990 بطولة مديحة كامل وعمرو دياب والطفلة هديل ونعيمة الصغير وحمدي الوزير وعماد محرم وقصة وسيناريو وحوار ماجدة خير الله وإخراج حسام الدين مصطفى.