شن الفنان هاني شاكر نقيب المهن الموسيقية هجومًا حادًا على رجل الأعمال المصري نجيب ساويرس بسبب هجوم الأخير عليه وعلى نقابة المهن الموسيقية، بسبب منع 19 من مطربي المهرجانات عن الغناء.

وقال "هانى شاكر" خلال مداخلة هاتفية مع الإعلامي عمرو أديب، المذاع على برنامج "الحكاية" المذاع على قناة "MBCمصر" يوم الجمعة، قائلاً: "نجيب ساويرس بيقول إنه ما بيسمعش الأغاني اللي أنا بقدمها ولا بيسمع صوتى، وأنا بقوله ما يشرفنيش إنك تسمع الأغاني بتاعتي، اللي يسمع المهرجانات ما يشرفنيش إنهم يسمعوا أغانيا".

وتابع نقيب الموسيقيين: نجيب ساويرس مش فاهم حاجة.. وما دام مش فاهم يبقى يسأل.. وهو بيقول إن مفيش حد بيسمعنى وأنا بقوله كنت تعالى شوف حفلتي في مهرجان الموسيقى العربية وأنت تعرف كم ونوعية الجمهور اللي بيسمعني.

وأكمل "هاني شاكر" رده على ساويرس، قائلاً: أنا ما علقتش على الفضايح اللي حصلت في مهرجان الجونة، هو ليه بيتكلم في اللي مالوش فيه، زي مانا مش عاجبه هو برضه مش عاجبني المهرجان والفضائح الكثير التى حدثت فيه.