أطلق جمهور السوشيال ميديا هاشتاج # إدعموا_ أسماء ضد التنمر عليها والهجوم على حياتها الشخصية.

 

و صرحت الفنانة أسما شريف منير ابنة الفنان شريف منير، بأن الإنتقادات التي تعرضت لها بعد قيامها بحلق شعرها أمام الجمهور، كانت على علم بها، وأن الجميع سيكون مع أو ضد تصرفها، وأشارت أسما بأن هناك فارق كبير بين أن تكون عارف أو تريد هذا.

 

وأكدت ابنة شريف منير خلال تصريحات لها، بأنها كانت تريد أن تفعل ما يحلو لها وأن يمر بسلام وبصورة عادية.

 

وأوضحت بأن هناك العديد من النساء المُحجبات اللاتي مررن بنفس التجربة لمعالجة شعرهن ولم يشعر بهن أحد، وأشارت بأن هناك فرق كبير بين أن يقول الإنسان رأية أو أن يقوم بجرح الآخرين، معلقة: "في ناس كتيرة بتتكلم بإسم الدين وفي نفس الوقت كلامهم بيجرح".

 

وحينما سؤلت عن سبب دعم والدها لها، ردت: "اسمي مرتبط بإسمه، ودي حاجة تخليه يتحمل أشياء ليس له علاقة بها ويتحمل الكثير من أجلي، وبالرغم من كده وقف جمبي وساندني، وده علشان أنا أقدمت على عمل هذا الأمر في الكوافير، وهو قالي إعملي اللي إنتي عاوزاه طالما مش بتأذي الآخرين".

 

وواصلت أسما: "وحقيقي بعض المُتابعين وصلوا لمرحلة إنهم يسخنوا أبويا عليا، وده علشان في بعض الأحيان لما بلبس لبس رجل شرقي مش بيقبله وبيطلب مني أحذف الصورة، وكمان بينصحني إني معملش كده تاني وأنا أقول حاضر، وده اللي بيحصل في أي بيت وبين أي أب وبنته، وده اللي بيخليني أحترم رأيه ومش بكون عاوزاه يزعل مني".

 

وقامت أسما شريف منير، بتوجيه رسالة لوالدها الفنان: "حابه أشكرك على تفهم الأمر، وده بالرغم من قسوة ما قيل عنك، ودي مش أول مرة تقف جمبي وتساندني في أزماتي.. شكراً ليك".

 

وكان قد ظهر الفنان شريف منير على صفحته الشخصية ردًا على جمهوره معلقًا على حلق ابنته خبيرة التجميل أسما شريف منير شعرها زيرو، على طريقة الفنان شيرين عبد الوهاب من قبل، مشيرًا إلى أنه معجب بإطلالتها الجديدة.

 

تعليق شريف منير على حلق ابنته أسما شريف منير شعرها 

وقال شريف منير خلال فيديو نشره عبر حسابه على إنستجرام منذ قليل: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها.

 

وأردف شريف منير: بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.