حالة من الاستياء والضيق سادت بين جموع محبي إيمان البحر درويش بعدما نشرت  أمينة ابنته صورة له وهو على فراش المرض.

وقالت أمنية ابنة ايمان البحر درويش في منشور لها: «والنبي يا جماعة بلاش كل واحد فاضي ومش لاقي حاجة يعملها يدخل يكتب اعتقال ايمان البحر و فين ايمان البحر .. ابويا بخير و مش تحت سيطره حد و ماحدش معتقله».

البداية كانت مع المذيعة سهير جودة، وعلقت على الصورة قائلة، إنّ ما فعلته ابنة الفنان الذي أحببناه جميعا ما هو إلا متاجرة بالمرض.

وتابعت: «ما فعلته ابنة إيمان البحر درويش جريمة.. مينفعش المتاجرة في المرض.. المرض والضعف عورة والمتاجرة بيهم جريمة حتى لو أنا أقرب الأقربين..ممكن تكون تحت ضغط نفسي فلازم تتمسح مينفعش نكشف عورات الناس».

من جانبها قالت المذيعة مفيدة شيحة في برنامج «الستات»  المذاع على قناة «النهار»، إنّ الفنان إيمان البحر درويش كان يعاني من جلطة وغيبوبة كاملة، وناشدت وزير الصحة ونقيب الموسيقيين بالتواصل مع أسرة الفنان لمعالجته، حيث قالت: "لازم نديله حقه ونعالجه".

وعن نشر الصورة قالت: "أنا عذراها.. وكفاية كلام عن الصورة المهم أن هو يتعالج".

وعلى السوشيال ميديا أعرب الكثير عن غضبهم وقال أحدهم  ـ:كفاكى تجارة بصور والدك ولا حول ولا قوة الا بالله.

وتابعت أخرى من جمهور إيمان البحر درويش بــ: الله يشفيه يارب … ليه تنشري صورته كده !! ابعتيها للنقابة فقط..صوره توجع وانتي عارفه انها هتنتشر! لو هو فايق هيقبلها!؟ زي ما سترك عمرك كله المفروض تستريه!