قال الفنان أمير كرارة، إنه يشعر بالحزن الشديد من الأشخاص الذين يهاجمون الفنانين على وسائل التواصل الاجتماعي.

أضاف "كرارة" خلال حلوله ضيفا على برنامج "حبر سري"، المذاع عبر شاشة "القاهرة والناس"، مساء أول أيام رمضان، مع أسما إبراهيم: "أنتوا ليه بتشتمونا؟ عشان إيه؟! إحنا بنعمل حاجة عشانكوا.. بنعمل الفيلم أو المسلسل عشان مستني رأيكم، فليه تشتمني؟!".

أشار أمير إلى أن الجمهور أو الشخص إذا كان لا يحب ممثل ما، فالأفضل ألا يشاهد أعماله بدلا من سبه.

لافتا إلى أن كثيرا ممن يوجهون السباب للفنانين على السوشيال ميديا، عندما يشاهدونهم على أرض الواقع يذهبون للتصوير معهم.

أضاف: "نفسي أقولهم بالراحة على الممثلين، إحنا واحد وإحنا حبايب.. لما تقعد تشتمني عندك على السوشيال ميديا وعندك الناس برا، ما هو محدش هيحترمنا يا حبيبي كلنا، يعني لا حد هيحترمك ولا هيحترمنا".

لفت إلى أنه لا يحب هجوم الفنانين على بعضهم، مردفا: "أنا لما بتسأل على أي فنان، عمري ما أتكلم على حد وحش".

تابع: "لو أنا مش عاجبك متتفرجش عليا، لو عملت شيء مش للطيف، قولي متعملش كده تاني لكن متشتمنيش.. متشتمش الممثلة المحترمة اللي قاعدة مع ولادها، وابنها بيشوف الشتيمة.. الناس فاكرة أنك صاحبهم عشان بتشوفك في التلفزيون، لكن لا خلي في احترام بينا.. خلي في احترام عشان احترمك".