كشف الفنان محمد نجاتي عن تقدمه بشكوى ضد الفنانة منة عرفة، وطالب فيها نقابة المهن التمثيلية بالتحقيق معها بعد الزج باسمه في خلافها مع زوجها محمود المهدي.
 

الفنان محمد نجاتي في تسجيل صوتي مع برنامج "et بالعربي"، قال :"قدّمت شكوى للدكتور أشرف زكي نقيب المهن التمثيلية، بعد الزج باسمي في موضوع لا علاقة لي به، و تكذيبي على منصات التواصل الاجتماعي، وهو إهانة بالنسبة لي، الموضوع كبر، وبدأ يبقى عندي مشاكل في البيت، مراتي بقت تسألني إيه المشاهد دي اللي تخلي اتنين ينفصلوا عن بعض، وولادي في المدرسة الناس بتقولهم باباكم سبب انفصال منة عرفة، وأنا مش عارف ليه".
وأضاف :"زوجها محمود المهدي بيتهمني إن الكلام ده محصلش، اللي محصلش إن الطلاق بسبب مشهد قياس النبض، لكن اللي حصل إنه بسبب مشهد اني هشيل منه.. وأنا مشلتهاش ليه يحصل الانفصال؟".
الفنان محمد نجاتي تابع: "دي حاجة ماليش علاقة بيها خالص دي حاجة تخص المخرج والمؤلف والشركة المنتجة، وبالفعل قدمت شكوى لنقيب المهن التمثيلية الدكتور أشرف زكي عشان تم طرح اسمي في حكايه أنا مليش علاقة بيها، وتم تكذيبي على السوشيال ميديا وده يهيني تماما، ولسه فيه مشهد هضربها فيه بالقلم فعلى حسب قرار النقابة هعرف هضربه بقى ولا لأ"
يلعب دور طبيب نساء في المسلسل، ومن المفترض أن يقوم بحمل الفنانة منه عرفه بعد تعرضها للإغماء، ثم يكشف عليها ليكتشف الحمل، وقال: "رفضت منه أنها تتشال، قولتلها أنا معنديش مشكلة إحنا في النهاية بنمثل مشهد مطلوب مننا، وأنتي أصلا أختي في الحقيقة وطالعة بدور أختي، فطبيعى جدا أنا اللي أشيلك.. المهم حصلت مشكلة وقلت لهم خلاص متعملوش المشهد ده أو اعملوه من غيري".

وأضاف: “المشهد اللي بعديه.. المفترض إني بكشف عليها بعد كده اكتشفت أنها حامل، هكشف عليها ازاي من غير ما أقيس النبض! فقلت لها أنا هجس نبض إيدك، قالت لا مش هينفع بردو، فهنا أنا عملت مشكلة، ما هو مش معقول بقى”.

ووجه الفنان محمد نجاتي رسالة إلى الفنانة منه عرفه، وقال :" “طالما انتي مش عايزة حد يلمسك، خلاص متنزليش من البيت بقى أصلا ومتمثليش، فصممت إن أنا أعمل دوري كما يجب وعملت النبض ده وقيست حرارتها، أنا كده معملتش حاجة غلط.. أفاجئ تاني يوم كل الناس بتقولي المشهد ده كان سبب في انفصالهم!”.