أسرار مُثيرة في حياة الفنانة عايدة رياض، خاصة بشأن ليلة العرس على الفنان الراحل محرم فؤاد، وقالت إنّ العلاقة بينهما بدأت بشرارة الحب بينها. 

مرت عايدة رياض بالعديد من الظروف الظالمة، كان أقساها زواج استمر 7 سنوات تسبب لها في جرح عميق، وحاولت بعدها التعافى بشتى الطرق. 

قالت عايدة رياض :" بعد تجربة حب فاشلة بسبب اختلاف الأديان، وكنت بعمل عرض فى مسرح عبد الوهاب فى الإسكندرية، محرم فؤاد وعمر خورشيد كانوا هناك وشافونى وأنا بعمل البمبوطية، وراح فى الاستراحة قال لمدير المسرح، وقاله هاتلي البنت دى، ورحت سلمت عليه و قالى يا عايدة أنا عاوزك تقدمينى فى حلقة بكرة فى المسرح هنا، وهنجيب بنت تانى معاكى، وتانى يوم جه عمر خورشيد طلب منى إنى أقدمه، فلقيت محرم نده عليا قال لى عايدة ملكيش دعوة بعمر انتى هتقدمينى أنا، ومدير المسرح قال لى ده معجب بيكى جدًا، وعزمنا فى سان جيوفانى أنا وزميلتي". 

وأضافت :" وبعدها بأسبوع كنت بعمل عرض فى مسرح البالون كلمني في التليفون وطلب يعزمنى على الغداء، مكنتش متخيله إنه معجب بيا وعاوز يتجوزنى وأقول إزاى ده محرم فؤاد، ولحد ما جالى المسرح وقال لى أنا معجب بيكى وعاوز أتجوزك وطلبت منه مهلة علشان أكلم بابا آخد رأيه". 

محرم فؤاد يضرب عايدة رياض

تحدثت عايدة رياض عن سر من أسرار ارتباطها بالمطرب محرم فؤاد، كاشفة بأنها تعرضت للضرب منه بسبب الغيرة الشديدة عليها، حيث قالت :" كنت في لندن أنا وهو أثناء الخطوبة، وأخدت علقة سخنة منه بسبب الولد اللي كنت بحبه، بعت حد من أصحابه فى لندن، كان ساعتها داخل الجيش ومينفعش يسافر، بعت لى حد من أصدقائه، وبعت خطاب على السفارة فى لندن على إنه أخويا، وكلمني من تليفون صديق وطلب مني أرجعله، محرم سمع المكالمة واتجنن وضربنى أمام صديقه اللبناني".