كشف الفنان أحمد السقا، عن تفاصيل وكواليس تصوير فيلم "السرب"، موضحا أنه كان سيموت أو يتعرض لإصابة بالغة أثناء التصوير.

قال "السقا" خلال لقائه مع الإعلامي معتز الدمرداش، في برنامج "ضيفي مع معتز الدمرداش": "السرب ده من أكتر الأعمال اللي بذلت فيها مجهود ملحمة.. أنا كنت بسافر كل يوم السويس في الفرقة الرابعة، 30 كيلو جوا الجبل بصور وأرجع لمدة أربع أسابيع، وبعدين بقيت أرجع من السويس على مرسى مطروح، ومن مرسى مطروح نروح الميناء رأس غارب ناخد فرقاطة بحرية وننقل المعدات، عشان نصور على مدينة البترول".

أوضح: "مشهد معركة تحرير السبايا شوفنا فيها الموت 3 أو 4 مرات، وأهم حاجة في الموضوع ده الثبات الانفعالي وسرعة رد الفعل ودي من عند ربنا".

تابع: "فيه مشهد المفروض الجيش الليبي بيساعدني اقتحم مواقع داعش، فبمشي ورا دبابة واخدها ساتر لي لحد ما أوصل للباب، أنا كنت لابس بيادة ورباط البيادة اتفك، وأنا ماشي لقيت نفسي بتسحب والرباط دخل تحت المجنزرة، خلعت الجزمة ورميت نفسي بعيد كنت هبقى بلوبيف".

فيلم "السرب" بطولة أحمد السقا وشريف منير وآسر ياسين ونيللى كريم، وأحمد حاتم، ودياب وصبا مبارك وكريم فهمي ومحمد ممدوح ومحمد فراج وأحمد صلاح حسني، ومحمود عبدالمغني وعمرو عبدالجليل ومصطفى فهمي وأمير صلاح الدين، وعدد كبير من الفنانين، الفيلم من تأليف عمر عبد الحليم وإخراج أحمد نادر جلال، وإنتاج شركة سينرجي فيلمز.

الفيلم يسرد أحداث حقيقية لأبطال القوات المسلحة المصرية، حيث يقوم أبطال العمل بتنفيذ عملية عسكرية في درنة في ليبيا والعودة مرة آخري بعد تنفيذ المهمة على أكمل وجه.