بما يقارب المليون مشاهدة، احتل فيديو مشاركة فريق البالية المائي في إحدى البطولات بالملاية اللف والمايوة الشبيه ببدلة الرقص، موقع الصدارة على مواقع التواصل الاجتماعي واليوتيوب.

في البداية دخلت اللاعبات متشحات بالملايات اللف السوداء ثم على دقات الطبلة كشفن الملاية لتظهر المايوهات المستوحاة من تصميم بدلات الرقص، وبدأ الاستعراض في الماء بحركات الرقص الشرقي التقليدية، وهو ما جعل الفيديو مختلفا ومميزا، حيث تباينت ردود الأفعال حوله بين معجب وساخر.

ونشرت صفحة Exclusive Photo على «فيس بوك» الفيديو، الذي قارب عدد مشاهديه المليون، وعلقت عليه قائلة: «مسابقة باليه مائي في كندا، شوف الفريق المصري، إحنا كمصريين لازم نحط التاتش بتاعنا». ويعود تاريخ الفيديو ربما لبطولة FINA الرابعة، والتي أقيمت عام 2009، كما يظهر على اللافتات خلفهن.

وردا على سخرية البعض من الاستعراض علقت إحدى لاعبات الرياضة المائية على صفحتها قائلة "أنا كنت زمان برده لاعبة باليه مائي فبصراحة أنا مذهولة، هو العالم اللى بتتأريق على المنتخب دول مشكلتهم إيه؟ الرياضة ده موجودة فى مصر من زمان ومشفناش حد مهتم بيها بالرغم من أن فيها لعيبة بيوصلوا للأولمبياد وكمان بيكسبوا بطولات دولية! البنات ده مش بيحطوا قوانين اللعبة و القوانين أتغيرت كتير قوى عن قبل كده! الجزء المسرحي ده مطلوب ومن غيره مش هيتأهلوا، واللى كان مطلوب سعتها حاجة ليها علاقة بالفولكلور ! يعنى مش مصريين بيحطوا التاتش المصرى..".

بيري الكرديني لاعبة البالية حكت عن صعوبات تلك الرياضة، وعن ذكرياتها مع التمرين منذ الطفولة، وأبدت امتعاضها من السخرية على الفريق وقالت "السباحة و الباليه المائي اللى محدش بيبص له رياضات صعبة ومتعبة وفى مصر فيها أبطال بيمثلوا البلد وبيكسبوا وأنتم أغلبيتكم جهلة ومش فاهمين الرياضات ده ومش فاهمين المجهود اللى اللعيبة وأهليهم بيعملوه! 

lb_blyh_myy.jpg