كشفت الإعلامية ايمان  الحصري، عن لقاء جمع والدة النقيب الشهيد هشام شتا، بالفنان مصطفى شعبان، أمس الجمعة، بعد رسالة وصلتها من والد الشهيد، أبلغتها فيها عن رغبتها في لقاء الفنان الشهير، الذي يشبه ابنها في ملامحه إلى حد كبير.
وسردت ايمان الحصري، مقدمة برنامج 90 دقيقة على قناة المحور الفضائية، تفاصيل اللقاء على حسابها الشخصي بموقع التواصل الاجتماعي "فيسبوك": "الحكاية بدأت برسالة من والد الشهيد النقيب هشام شتا ( و النقيب هشام شتا للي ميعرفوش واحد من ١٤ ضابط و فرد شرطة استشهدوا في مذبحة كرداسة الشهيرة في ١٤ اغسطس ٢٠١٣ ) بيحيكلي في الرسالة ان والده الشهيد هشام بعد ما شافت فيلم اسمه كود ٣٦ بطله الفنان مصطفي شعبان و اللي في شبه كبير جدًا من ابنها الشهيد، وبالصدفة كمان في الفيلم ده كان عامل دور ظابط شرطة بدأت تبكي بحرقة و تنادي عليه وتحضن الشاشة وتقول ده هشام !!.
و هو نفسه يسعدها و يفرح قلبها و لو لدقائق فلو ممكن ان مصطفي شعبان وانا نزورها في البيت لانها لو شافته هتشوف فيه ابنها و هتبقى سعيدة، ودي أمنيه لها بس هو بيبعت الرسالة من وراها عشان لو وافق تبقي مفاجأة ولو رفض ما تزعلش، وانتهت الرسالة.
وصلت لمصطفي شعبان اللي كان صعب الوصول اليه عشان بيصور شغل رمضان و من غير تفكير او تردد الحقيقة اول ما عرف الحكاية وافق على الفور وكان متحمس جدًا و حددنا الميعاد مع والد الشهيد اننا هنروح النهاردة .
الأب قرر يعملها مفاجأة للأم و فهمها ان زملاء هشام (الله يرحمه) جايين يزوروها و كانت محضرة سفرة كامله احتفالا بيهم .
الحقيقة المشهد اللي فتحت فيه الباب و لقت قدامها مصطفي شعبان و الله العظيم مش لاقيه اي كلام يوصفه !!
بس ممكن كل واحد يتخيل حجم المفاجأة والدهشة والدموع و الوجع والفرحة و الالم و الامل لأم اعتقدت و لو لدقائق أن ابنها عاد الي حضنها ! #المجد_للشهداء".