عاجل.. سما المصري تفتح النار على ميدو بعد دفاعه عن "رانيا يوسف"

م ينتهي الجدل الدائر حول فستان الفنانة رانيا يوسف الذي ارتدته في حفل ختام مهرجان القاهرة السينمائي حيث نشر ميدو نجم نادي الزمالك السابق  تغريدة عبر حسابه الخاص على موقع “تويتر” قائلا: “فستان رانيا يوسف وحش جدا بصراحة، بس انتوا مال ابوكوا هو عريان ولا لأ؟ هتنزلوا معاها القبر تتحاسبوا؟ والله والله والله 70٪ من اللى هاجموها لو شافوها هيبوسوا ايديها ورجليها كمان”.

 

فستان رانيا يوسف وحش جدا بصراحه بس انتوا مال ابوكوا هو عريان ولا لأ؟ هتنزلوا معاها القبر تتحاسبوا؟ والله والله والله ٧٠ ٪ من اللي هاجموها لو شافوها هيبوسوا ايديها ورجليها كمان!!
ربما تحتوي الصورة على: ‏‏نص‏‏

 

ولكن يبدو أن التغريدة لم تنل إعجاب سما المصري حيث قامت بالرد عليه  بطريقتها المعتادة قائلة : لا لا لا حاسب بس.. احترم نفسك فى الكلام معانا أومال.. أنا واحدة بانتقادها يبقى مال أبويا ؟؟ طب وانت كمان مال أبوك؟؟ انا حرة انتقدها بمزاجى طب ما فى ناس تنتقدني اطلع أقولهم مال أبوكم ؟؟

وأضافت سما: “اختشى على دمك كل واحد له حق النقد طالما مابيجرحش فى حد.. ايه هندبح الناس ونجيب سيرة أبوهم وأمهم علشان بينتقدونا؟؟ أنت عاجبك الموضوع ولا هى صاحبتك انتوا أحرار لكن هتجيب سيرة الأب والأم هنجيب سيرة أبوك وأمك دا لو انت قلت كده بجد؟؟.

وتابعت سما موجهة حديثها لميدو: “وبعدين بتقول اللى بينتقدها يتمنى يبوس رجليها، ليه يا حبيبي رجل شجرة الدر ولا إيه ؟ أنا بانقدها أهو بس ماعرفش بوس الرجلين، فى ناس تانية اللى تعرفه، ولو مفيش نقد ولا محاسبة لحد كلنا نمشى وهو بيكلم المصريين خلو عندكم دم شوية”.

واختتمت سما: “بلاش التعالى ع الناس دا.. لبس زفت قلنا لبسها وحش.. ما كفرناش يعنى بتدخل الأب والأم فى الموضوع ليه بأه ؟؟ عيب على اسمك وتاريخك تتكلم كده مع الناس.. أنت بتكلم بنى آدمين زيهم، أنت مش أحسن منهم، ولا على راسك ريشة ياسى كابتن انت”.

التعليقات