كيف تفلت من رشوة أمين الشرطة في دقيقة ونصف؟

قبل أن تقرأ الموضوع التالي، أريدك أن تعرف أن هذا الكلام حدث فعلا جدا. هذا المقال حقيقي وموضوعي وغير هزلي وكل ما يقال فيه حدث بالفعل.. وربنا يوفقنا للي فيه الخير

المكان: المعادي

الزمان: من حوالي شهر

- أمين الشرطة : الرخص 

- أنا : ليه ؟

- الأمين : مش رابطة الحزام 

- أنا : ومين رابطه يعني ؟

- الأمين : محدش رابطه هاتي الرخص عشان فيه مخالفة ١٠٠ جنيه

- أنا : ١٠٠ جنيه ومحدش رابطه ؟ انت اكيد بتهزر صح ؟ طيب انا مع معايا غير فيزا 

- الأمين : انتي وذوقك بقى

-أنا : انا وذوقي ازاي طيب ؟ اعمل ايه ؟

- الأمين : كلك نظر يا ست الكل

- انا : عايز رشوة يعني ؟

- الأمين : نعم ؟ رشوة ايه يا مدام ؟ -

- أنا : آنسة من فضلك

- الأمين : كل الحلاوة دي ولسه آنسة ؟ 

- أنا : آه وربنا شفت الدنيا ؟

- الأمين : صعبتي عليا .. معاكي ورقة ؟ 

- أنا : لأ

- الأمين : معاكي موبايل ؟ 

- أنا : آه 

- الأمين : اكتبي رقمك ولو جيتي اي وقت المعادي كلميني

- أنا : حاضر عنيا 

- الأمين : مع السلامة يا حلوة وابقي اربطي الحزام

- أنا : أشكرك .. أوعدك.

 

التعليقات