مفاجأة.. الجواز فى مصر بقى ببلاش!

تداول رواد موقع التواصل الاجتماعى "فيس بوك" مقطع فيديو لوالد عروس أردنية ييسر شروط زواج ابنته فى عرسها، ويطالب العريس بمهر مقداره دينار واحد، و114 دينار عدد سور القرآن كمؤخر، ورفضه للذهب بجانب عدم اشتراطه لمكان السكن. سرعان ما حاز الفيديو على استحسان الشباب وإعجابهم، خصوصا فى تلك الأيام التى تتفاقم فيها أزمة الشباب المصرى فى الزواج، وما يواجهونه من صعوبات وعقبات لتكوين أسرة، وطالب الشباب بتطبيق تلك الشروط وتيسير الزواج والاحتذاء بهذا الرجل، مما جعل نساء مصر يخرجن في مظاهرات جماعية ويطالبن بتطبيق هذه الشروط على أسرع وجه.
وكعادته انفرد ”الحكاية“ بإجراء بعض الأحاديث مع عدد من السيدات اللاتي يطالبن بتطبيق هذه الشروط هاتفين ”اشمعنى الأردن يا خيبتنا .. عايزين عرسان قدام بيتنا“
قالت آنسة ”ل.ع“ من جاردن سيتي: احنا نازلين النهاردة علشان نحمس شباب مصر على الزواج، لازم نقف جنبهم لحد ما يتجوزونا، لازم أهالينا يكون عندهم رحمة.. احنا مش عايزين مهر بعدد سور القرآن .. احنا عايزين المهر بعدد الحروف اللي فى القرآن، وأهو كله تقوى وورع، والأجر والثواب عند الله.
وقالت آنسة ”ر.م“ من عين شمس:
بالنسبة للمؤخر مش همضّى المحروس على قايمة والجو القديم ده، أنا هكتفي بـ "وصولات أمانة" بحيث لو اتأخر أحبسه بالمعروف، وهخلي الأجهزة الكهربائية عليا مش مشكلة.
أما الآنسة ”ي.ط“ من غمرة قالت:
أنا طلباتي مش كتير، أنا كل اللي عايزاه شقة ”دوبلكس“.. مش مهم مكانها فين، أظن مفيش تسهيلات أكتر من كده، فين العرسان بقى؟!
وختمت الآنسة ”هـ.ي“ من الشروق الحديث وقالت:
أنا والله مستعدة ماسكنش جنب ماما في الشروق، أنا ممكن اسكن قدامها الناحية التانية في مدينتي وخلاص، وأنا جاية هنا عشان أنادي وأهتف لكل شاب مكافح "مايهمكش المصاريف وداعاً للتكاليف".

مثير للجدل .. ماذا طلب الدكتور محمد نوح القضاة مهراً لابنته رناد؟

 

التعليقات