قالت الفنانة زينة إن تدخل شخص لمنع ممثل أو ممثلة من العمل أمر وارد داخل الوسط الفني، وهذا ما حصل معها على مدار خمس سنوات.

وأضافت خلال استضافتها في برنامج "الحكاية" الذي يقدمه الإعلامي عمرو أديب عبر قناة MBC مصر: "ممكن يمنعوا حد يشتغل بإنهم يتكاثروا عليه، وبطريقة غير مباشرة من غير كلام، في ناس مؤذية".

وتابعت: "من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لإني مش عايزة دوشة، وعايزة أعيش في سلام وأعمل شغلي كويس وأنجح".

وواصلت: "أنا قعدت 5 سنين حد قافل علي الشغل في مكان معين، وماكنتش فاهمة في إيه، مع إني ست مصرية ومن حقي أشتغل وأنا أولى من أي حد، وبعض الناس قالوا إني عايزة أربي ولادي ومش عايزة أشتغل، طيب أربيهم إزاي؟ أنا مش فاتحة فرن في البيت".

يذكر أن زينة عرض لها مؤخرا عبر منصة شاهد vip مسلسل "الليلة واللي فيها" من بطولتها مع محمد شاهين، ومطرب الراب أبي يوسف، سماح أنور، علاء مرسي، آلاء سنان، بكري خالد، وعدد آخر من الفنانين الشباب.

ومسلسل "الليلة واللي فيها" من تأليف محمد رجاء، وإخراج هاني خليفة في أول تعاون يجمعه بالفنانة زينة، ويتكون من 6 حلقات.