قالت رحاب الجمل، إنها على استعداد أن تؤدي أدوار إغراء ولكن عمرها الآن لا يسمح بذلك ، وتابعت:«خلي ده للعيال الصغيرة».

وعن دورها في مسلسل جت سليمة الذي عُرض في رمضان 2023، ردت رحاب الجمل : «كنت فرحانة أوي بتجربة جت سليمة، وكلمني المخرج إسلام خيري قال ليا عاوزك ضيفة شرف في حاجة كده بنعملها لدنيا سمير غانم..قولت له أنا اصلًا من فانز دنيا، ولما بصيت على الدور حسيته جديد والمسلسل كله جديد». 

وردًا على سؤالها «بتشتغلي إزاي على دورك علشان يطلع بالشكل ده؟»،  قالت:  «بشوف إن الممثل اللي بيشتغل على دوره لوحده مهما عمل مش هيوصل لحاجة ودي قناعتي، فأنا بتناقش مع المخرج كتير جدًا وأفهم منه وجهة نظره وعاوز يقدم الشخصية ازاي وعلاقة الشخصية بكل الأدوار وعاوز يوصل رسالة إية من الشخصية».