يا دنيا علمينا ومتعلميش علينا، جملة من أغنية للمطرب الشعبي أحمد شيبة، مكتوبة على "ضهر توك توك"، والتوك توك زى الدنيا يا يعلمك يا يعلم عليك.
أنت أكيد اخترت إنه يعلمك لأنه لو علم عليك علامته بتبقي في الوش، و"تعويرة الوش مفيهاش معلش".. وأنا أيضا أخترت أعلمك، وأنقل لك أشهر 10 جمل أو نصائح على ضهر التوك توك .. ركز وفكر وتدبر تستفيد.
١- من باعك بيعه.. واللي ماباعكش بيعه برضه الاحتياط واجب
٢- دلعها في الغيارات.. وريحها في المطبات
٣- حلوة ومتلمعة .. وع السكة متشخلعة
٤- رميت همومي في البحر طلع السمك يلطم
٥- إن لقيت غراب أبيض.. تلقى صاحب جدع
٦- اتنين مالهمش أمان.. الفرامل والنسوان
٧- البلد دي لو فيها خير .. مكانوش ربطوا الكوباية في الكولدير
٨- حتى هدفي في الحياة طلع تسلل
٩- من جد وجد.. ومن تخرج قعد
١٠- عضة حية .. ولا حب بنية