كشفت برلنتي عامر، زوجة الفنان سعد الصغير، حقيقة انفصالها عن المطرب الشعبي، خلال الفترة الماضية، بعد اكتشافها لخيانته المستمرة.

وقالت برلنتي،  خلال لقائها مع برنامج “قعدة ستات”، الذي تقدمه الإعلامية مروة صبري على شاشة “القاهرة اليوم”: اكتشفت خيانة سعد، لأننا منزلين ابلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة  معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه ازاي يعمل كدا وهو من 3 سنين كان بيشتم عليها وعملها بلوك.

وردت برلنتي عامر على الانتقادات التي طالتها بسبب تشهيرها المستمر بزوجها سعد الصغير، قائلة: والناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كدا وينزل مستواه.

كما أكدت برلنتي عامر على أنها لم تنفصل من زوجها سعد الصغير، قالت: متطلقناش رسمي وأنا كتبت على فيس بوك انفصال ولكن هو مأعلنش، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، ولكن اما اتجوزنا قالي رجعتي سعد الصغير لمجده تاني.