وجه الفنان عمرو مصطفى رسالة إلى جمهوره بعد انتشار أنباء عن إصابته بالسرطان وإجرائه عملية جراحية، مطمئنا الجميع على حالته الصحية.

قال "مصطفى" في مداخلة هاتفية مع برنامج "كلمة أخيرة" المذاع على شاشة ON وتقدمه الإعلامية لميس الحديدي، إنه بخير وصحته جيدة الآن.

وعلق على رسالة الفنان عمرو دياب له والذي تمنى له الشفاء من خلالها رغم وجود خلاف سابق بينهما، وقال: "أخويا وحبيبي، أنا بحبه، أي خلافات بتتنسي طبعا ولا الهوا، ده لو عايز كل اللي أنا غنيته ياخده".

أشار إلى أنه عاد للعمل بسبب مواعيد شهر رمضان، موضحا: "تامر حسني كان معايا من أول يوم وبيكلمني بس أنا مكنتش عايز أشيل حد همي، أنا الحمد لله زي الفل وكله هيعدي".

ذكر: "أنا راجع للناس كلها بقى، هلحن لكل الناس تاني"، وعن تلحينه لعمرو دياب مجددا، أكد: "ده حبيب قلبي ده خلاص، عمرو أخويا".

ووجه الشكر لكل من دعمه ودعى له، قائلا: "وكفاية دعا الناس بشكرهم ربنا يخليهم ليا".