قالت الفنانة حلا شيحة إنها مر عليها وقت وكانت أكثر انجذابا للرجال المتدينة، لافتة إلى أنها كانت دائما ما تتمنى الإرتباط بشخص يشجعها على الصلاة والقرب من ربنا وقراءة القرآن.

أضافت حلا: "لما اخترت زوجي كنت بحبه وأنا صغيرة، واشتد حبي له لشعوري أنه قريب من ربنا، وفيه ناس قالت أصل كل ما تتجوزي بتختاري حد متدين وتتحجبي لما تتجوزيه، الناس بتشاهد من الظاهر بس".

أردفت: "فيه ناس بتقول أصل أنتي كل ما تتجوزي بتختاري حد كده وبتتحجبي لما تبقي معاه، لكن حبي للحجاب مالوش علاقة بحد، وقربي لحد متدين بيخليني أتشجع إني ألبسه".

تابعت: "صراعي مع الأقدار كان مشهدا قاسيًا في حياتي، ومر عليا وقت، كنت مش راضية، بعد كده لما عرفت أن ربنا ليه حكمة في كده ارتاحت نفسيًا واكتشفت أنها كانت خير ليا في حياتي بس ماكنتش مدركة ليها".