![](https://el7ekaya.com/sites/default/files/styles/header_image/public/header_images/16/06/02/07.png?itok=mhh6au6-)
في ذكرى وفاته.. أسباب رفض الفيشاوى للكيماوي بعد إصابته بالسرطان
Tuesday, July 25, 2023 - 14:52
كتب:
توفى في مثل هذا اليوم عام 2019 الفنان الكبير فاروق الفيشاوي بعد صراع طويل مع مرض السرطان عن عمر يناهز الـ 67 عاما.
وترك الفيشاوي ميراثا كبيرا للفن المصري، بمشاركته في نحو 148 فيلما سينمائيا و71 مسلسلا و14 مسرحية.
وقاوم "الفيشاوي" السرطان بكل قوته منذ إعلانه عنه، عبر منصة مهرجان الإسكندرية السينمائي، وكان يظهر دائمًا بكل رضا وتحدٍ لهذا المرض.
وخلال آخر حوار أجراه "الفيشاوي" عبر قناة الجديد اللبنانية، كشف خلاله عن سبب عدم تلقيه العلاج الكيميائي، مؤكدًا أنه خضع لعلاج حديث وقال: " هو علاج جديد تماما ظهر سنة 2017 وبقى موجود في العالم كله ، واخترعوه اتنين دكاترة واحد ياباني و واحد أمريكاني والاتنين حصلوا جايزة نوبل 2018 .. هو مش متعب على الإطلاق".
وكشف عن استيائه الشديد من البرامج والمذيعين، الذين يظهروا مصابي السرطان في غاية المرض والضعف، وقال: "أنا ضد أنهم يطلعوا الأطفال المرضى بالسرطان بهذا الشكل القميء، قاتل الله هذه البرامج، قاتل الله هؤلاء المذعيين، اللي معندهمش قلب ولا نخوة ولا إنسانية".
وتابع: "ممكن يجيبوا الأطفال الأصحاء اللي اتعالجوا، مش عشان أتعاطف معاك أو مع المريض، إنك تجيبهولي بالشكل ده، لا ده إنت تجيبوا بعد ما خف وتعافى تمامَا، عشان تديني أمل".
وأضاف: "دي من ضمن الأشياء اللي خلتني أعلن إن أنا مريض بالسرطان عشان عايز الحاجات دي تختفي تماما عشان بيتاجروا بآلام الناس ومرضهم عشان يلموا شوية فلوس".
وتوفى الفنان الكبير فاروق الفيشاوي يوم 25 يوليو عام 2019 ،عقب دخوله غيبوبة كبدية.
التعليقات